Carteis da fallida semana temática deste curso

Polo que tod@s sabemos, este ano as clases foron bruscamente interrumpidas, e con elas todas as actividades relacionadas.
Déixovos aquí o cartel da que ía a ser a semana temática deste ano

cóidome e coido o meu planeta

Nesta curtametraxe de Steve Cutts, encargada pola Gaia Fundation, vemos unha reflexión sobre o consumismo voraz que asola o noso medioambiente e aliénanos, a obsolescencia programada, etc...

VI Proxecto de Biblioteca de Centro: DIVERSIDADES

Ola.

 

Hoxe inauguramos o VI Proxecto de Biblioteca de Centro, tamén chamado "Semana Temática", que encherá de actividades os nosos corredores e espazos dende o 8 ata o 12 deste mes de abril.

O tema xira en torno ás problematicas que xurden na convivencia entre as persoas ao padecer discriminación dalgún tipo.

Enarbolamos a bandeira do feminismo e loitaremos pola igualdade, axudando a visibilizar a autoras e mulleres de importancia, denunciaremos o machismo e a violencia e abriremos un espazo de expresión, reflexión e denuncia sobre as desigualdades.

Benvidas, benvidos, imos a celebrar as DIVERSIDADES.

DÍA 8. LUNS

Poderedes atopar todo tipo de traballos escritos nos diferentes corredores do centro, na biblioteca, no vestíbulo, nas paredes...

A rapazada do segundo curso de bacharelato de artes vos convida a escoitar audios sobre a diversidade. Atoparedes os traballos de Alex Castro, Carlos Iglesias, Lucas Romero e Manuel Martínez.

Este mesmo grupo fixo unha serie de carteis centrados no evento, que vos amosarei a continuación e que atoparedes expostos no vestíbulo do centro.

DÍA 9. MARTES

Andan a exibirse estos días unhas curtas feitas polo alumnado de 1º de bacharelato.



"Descúbrete" de Lorena Gómez, Luis Miguel Ramos, María Álvarez, Lourdes Cruz y Silvia Ageitos de 1º Bach D.

"Xa Quixeras!" por Pamela Andana, Antía Picos, Lorena García e Miriam Pardal de 1º BACH D.

"Chora, chora, que despóis non mexas!", por Andrea Rivas, Natalia Pérez, Raquel Fernández, Nerea Rodríguez, Sara Fernández, Pablo Novo e NOa Castiñeiras, de 1º BACH D

Hoxe imos a compartir imaxes das cartolinas que o alumnado situou no segundo andar do centro, así como algúns dos traballos presentados polo alumnado de primeiro de bacharelato.

Seguindo cos audios da diversidades dos alumnos de 2º Bach D, poderedes escoitar os que nos traen Rita e Emma, María, e Uxía.




DÍA 10. MÉRCORES

Un novo relato narrado esta vez a mans de Natalia, Alicia, Alejandra e Carla.

Aproveitamos tamén para colgar as presentacións do alumnado de 4º ESO para Xeografía e Historia:
O Sufraxismo.
.
DÍA 12. VENRES.

V SEMANA TEMÁTICA: BOIRO

No IES Praia Barraña celebramos estes días a nosa Semana Temática, que vai xa pola V edición.

As actividades parten dun proxecto da Biblioteca Escolar no que desde o distintos departamentos temáticos, o alumnado investiga arredor dun tema. Este ano centramos o foco de atención na investigación da vila de Boiro.

Os estudantes realizaron un traballo de investigación sobre os petroglifos, as igrexas e cruceiros, as profesións tradicionais da contorna, o relevo, as aldeas e lugares emblemáticos, o deporte, a literatura… así como estatísticas de temas do seu interese.

A inauguración tivo lugar o luns 16 cunha charla do historiador local Antón Rodríguez Gallardo: Achega á nosa historia a través da fotografía, na que os estudantes puideron comprobar como era a vila, as rúas e edificacións, o transporte e tamén o ocio e costumes dos boirenses nos anos vinte a sesenta do pasado século.

O martes 17, o alumnado de 1º e 2º de ESO fixeron unha andaina, guiados por alumnado de 2º de bacharelato, desde o instituto ao Castelo de Vitres e acompañados polo profesorado de Educación Física.

O día 18 visitou o centro o grupo de rock noise Agorafobia, que deleitou ao alumnado non só coa súa música senón tamén coa súa experiencia na difícil carreira musical. A antiga alumna do centro e cantante do grupo, Susana Saavedra, animou a todos a loitar polos seus soños e a crer no que cadaquén desexe ser.

Para o alumnado de Bacharelato de Artes, o técnico de cultura do Centro Social da vila, Alberto García, fomentou a creatividade dos futuros artistas locais e informou das canles para dar a coñecer os seus traballos.

A clausura da Semana tivo lugar o venres 20, coa celebración dunha feira deportiva, coa participación de todos os clubs deportivos da vila e coa actuación dos antigos alumnos do centro, Sabela King e Benxa, voz e guitarra do grupo The Lákazans, que namorou ao público co mellor soul da Barbanza.

Desexamos que estas experiencias aumenten en peso e importancia, pois temos comprobado que o traballo multidisciplinario é unha das mellores maneiras de avanzar nesta aventura pedagóxica. 

AQUÍ vos deixo unha ligazón á galería de fotos

Boiro: Cidade libre de Circos con Animais

O ano pasado Boiro declarouse unha cidade libre de circos con animais, aprobado por unanimidade por todos os partidos do concello.

Estos días hai polémica na vila porque un circo instalou a súa carpa no concello, anunciando espectáculos con crocodilos xigantes e serpes, vulnarondo así as normas existentes no municipio, que finalmente actuou sancionando á empresa promotora e impedindo a actuación prevista para o xoves.

Veremos que pasa durante o fin de semana, pero no eido da pasada semana temática aproveitamos estas liñas para felicitar o compromiso das forzas implicadas en evitar estos espectáculos caducos e crueis.

Podedes ler a noticia na Voz de Galicia

Foto por CARMELA QUEIJEIRO

Noticias anteriores relacionadas:

El Concello de Boiro intensifica el control sobre el circo Vienna

Tres colectivos animalistas se unirán en una protesta en Boiro contra el circo Vienna Roller

Piden al gobierno boirense que ponga un rótulo contra los circos con animales

El circo Vienna Roller llevará su espectáculo a Boiro tras actuar en Rianxo

Barbanza no pasa por el aro del circo

La actuación en Rianxo de un circo con animales desata el conflicto

IV Proxecto de Biblioteca de Centro "Ética e Dereitos dos Animais" VÍDEOS E ENTREVISTAS

Aquí atoparedes un conxunto de traballos de investigación e entrevistas feitas en vídeo por alumnos e alumnas de 1º ESO principalmente, xunto con traballos de 2º BACH


Entrevista á Protectora de Villagarcía




Entrevista á Protectora ARCA de Noia



Entrevista á Protectora Os Palleiros



Entrevista á Callejeros Barbanza



Reportaxe mascotas

 

Entrevistas variadas

 

IV Proxecto de Biblioteca de Centro "Ética e Dereitos dos Animais" Día a Día.

Podes ver todas as fotos na nosa conta de facebook.


LUNS

As actividades do luns incluíron unha charla a cargo das asociación protectoras de animais Callejeros Barbanza e Abeiro Santiago, coa peluda compañía de Casper e Khaleesi, ao alumnado de 1º e 2º ESO.

MARTES

Tivemos un bo feixe de actividades, como unhas asombrosas acrobacias aéreas no ximnasio a cargo de Rakela Oitaven e compañía, que veñen de representar o seu espectáculo "Aviadoras",  e que pasaron o rato coa rapazada de 3º ESO.
Tamén puidemos gozar dunha degustación de aperitivos veganos presentados polos mozos e mozas do bacharelato.

Faláronnos das bondades das terapias con animais, en concreto con cabalos, a Hipoterapia, nunha charla presentada por Amantia Coello Rodríguez, cos cativos de 1º e 2º ESO, e outra na que a Asociación Protectora de Animais Arca de Noia, concienciou sobre a situación dos animais abandonados, a responsabilidade que conleva un animal de compañía e a importancia da esterilización dos mesmos, dirixida aos alumnos e alumnas de 4º da ESO. 

E rematamos o día coa inauguración da exposición dos alumnos do Bacharelato de Artes.

MÉRCORES

Hoxe o alumnado de Bacharelato gabaron o noso padal con viandas veganas (e vexetarianas) durante o recreo novamente. 

 

XOVES

Máis viandas veganas para premiar ao noso estómago, polo alumnado de 2º Bach (sintoo mozos, pero non puiden facer fotos).
 
Charla sobre animalismo e activismo animalista a cargo de Mónica Pérez Arias, representando á Asociación Animalista Vox Ánima.

VENRES

O mozo e mozas de teatro de 2º do Bachiller de Artes representan a obra animalista "Fame".

Novamente enchemos o bandullo con delicias veganas a cargo do alumnado de 2º Bach, e pechamos a semana cunha serie de actuacións do circo sen animais (non humáns) que se organizou no patio a cargo do profesorado de Educación Física.

 Podes ver todas as fotos na nosa conta de facebook.