VIDEO Multicentros polo DÍA DO LIBRO 2021

Moi boas a todos e todas:

Dende a Biblioteca Escolar do IES "Praia Barraña" queremos compartir con todos e todas vos o vídeo elaborado con motivo do Día do Libro 2021.

O mesmo é un traballo conxunto no que participamos as bibliotecas dos diferentes centros de ensino do Concello de Boiro (tanto centros de Educación Primaria como centros de Educación Secundaria) baixo a coordinación dos/as responsables da biblioteca municipal.

No caso concreto do noso centro o alumnado que particpou no mesmo foron: Héctor, Daniel, Manuel, Paula e Mónica, todos/as eles/as pertencentes á Unidade de Educación Especial do centro.

Esperamos que sexa do voso agrado.

Un saúdo.

 

CLUBS DE LECTURA

Ao longo do segundo trimestre do presente ano académico 2020/2021, os clubs de lectura “capitaneados” polas profesoras Marieta e Nieves continuaron coa súa andadura lectora. 

 Ao longo deste segundo período do curso as lecturas que se levaron a cabo foron as seguintes: 

 · Relatos de terror, de H. P. Lovecraft 

 · Vestio, de Xosé Miranda 

 · A crueldade de abril, de Diego Ameixeiras 

 Grazas a todas e todos os participantes nesta iniciativa lectora. Esperamos seguir contando con todas e todos vos, e moitas e moitos máis, nesta pequena iniciativa que xorde dende a Biblioteca Escolar do IES “Praia Barraña”.