BENVIDA AO NOVO CURSO

OLA!
Dende a Biblioteca vos damos a benvida a un novo e emocionante curso académico 2018-2019.

Agardamos a vosa visita e que participades en todas as actividades que vos temos preparadas.

Lembrade que tamén podedes suxerirnos actividades ou a compra de libros que vexades que nos faltan.

Nos lemos!

Recomendaciones lectoras para o verán 2018

V SEMANA TEMÁTICA: BOIRO

No IES Praia Barraña celebramos estes días a nosa Semana Temática, que vai xa pola V edición.

As actividades parten dun proxecto da Biblioteca Escolar no que desde o distintos departamentos temáticos, o alumnado investiga arredor dun tema. Este ano centramos o foco de atención na investigación da vila de Boiro.

Os estudantes realizaron un traballo de investigación sobre os petroglifos, as igrexas e cruceiros, as profesións tradicionais da contorna, o relevo, as aldeas e lugares emblemáticos, o deporte, a literatura… así como estatísticas de temas do seu interese.

A inauguración tivo lugar o luns 16 cunha charla do historiador local Antón Rodríguez Gallardo: Achega á nosa historia a través da fotografía, na que os estudantes puideron comprobar como era a vila, as rúas e edificacións, o transporte e tamén o ocio e costumes dos boirenses nos anos vinte a sesenta do pasado século.

O martes 17, o alumnado de 1º e 2º de ESO fixeron unha andaina, guiados por alumnado de 2º de bacharelato, desde o instituto ao Castelo de Vitres e acompañados polo profesorado de Educación Física.

O día 18 visitou o centro o grupo de rock noise Agorafobia, que deleitou ao alumnado non só coa súa música senón tamén coa súa experiencia na difícil carreira musical. A antiga alumna do centro e cantante do grupo, Susana Saavedra, animou a todos a loitar polos seus soños e a crer no que cadaquén desexe ser.

Para o alumnado de Bacharelato de Artes, o técnico de cultura do Centro Social da vila, Alberto García, fomentou a creatividade dos futuros artistas locais e informou das canles para dar a coñecer os seus traballos.

A clausura da Semana tivo lugar o venres 20, coa celebración dunha feira deportiva, coa participación de todos os clubs deportivos da vila e coa actuación dos antigos alumnos do centro, Sabela King e Benxa, voz e guitarra do grupo The Lákazans, que namorou ao público co mellor soul da Barbanza.

Desexamos que estas experiencias aumenten en peso e importancia, pois temos comprobado que o traballo multidisciplinario é unha das mellores maneiras de avanzar nesta aventura pedagóxica. 

AQUÍ vos deixo unha ligazón á galería de fotos

Feliz Día do Libro

Dende a Biblioteca Escolar desexámosvos a todos e todas un Feliz Día do Libro e máis lecturas.

Antroido 2018

Xa tendes as fotos do Antroido nesta ligazón
                                                                             FOTOS

Día dos namorados

Xa está aquí o amor ocupando os nosos corazóns, e a Biblioteca desbordando o centro con actividades.

• Non deixes de pasar polo muro do amor e escribir a túa mensaxe.

•  Lembra, un doce agasallo agarda a quen complete os corazóns antes. Tendes que resolver o puzzle atopando o anaco que falta e entregalo na Biblioteca.

• Igualmente, quen completae os poemas ciscados polo centro, terá outro agasallo.

• Fai fotos no photocall e compárteas co hashtag #barrañamor . A foto máis romántica terá tamén un agasallo.

Coñeces a orixe de San Valentín?

Xa rematou o Nadal

Xa rematou o Nadal e despedímonos da decoración festiva, pero ollo non vos relaxedes que por ahí ven o Entroido.